Ол үшін қатысушылар күні бойы көліктен бас тартуы керек.
Ұйымдастырушылар қоғамдық көлікпен, велосипедпен, скутермен немесе жаяу жүруге кеңес береді, деп хабарлайды Almaty-akshamy.kz
«Birgemiz: Taza Alem» жалпыұлттық жобасын іске асыру шеңберінде «Таза Қазақстан» республикалық экологиялық акциясы аясында «Автокөліксіз күн» челленджі ұйымдастырылады.
Акцияның мақсаты – көліксіз жүріп, ауаның ластануын, улы газдардың бөлінуін азайтуға сеп болу.
Бұл челленджге 22 шілдеде кез келген адам қосыла алады.
Челленджге қатысушылар #Автокөліксізкүн челлендж хэштегтерін қолдана отырып, әлеуметтік желілерде көліксіз қозғалыстарының фотосуреттерін немесе бейнелерін бөлісуі және @birgemiz_taza_alem2022 ұйымдастырушылар парақшасын белгілеуі керек.