Starlink интернеті үшін ауылдық мектептер ай сайын шамамен 140 мың теңге төлеп тұрады, деп хабарлайды аlmaty-akshamy.kz Қазақстан Республикасы цифрлық даму, инновациялар және аэроғарыш өнеркәсібі министрлігіне сілтеме жасап.
Министрлік басшысы Жаслан Мәдиев мұндай тариф барлық мектептер үшін қолданылатынын атап өтті. Ол әр мектепте компанияның бір терминалы орнатылғанын айтты.
Бұл спутниктен сигналдарды қабылдайтын және интернетті қамтамасыз ететін абоненттік құрылғы. Маршрутизатордың бір түрі. Әр мектеп бойынша 2500 доллар (1,1 млн теңге) құрайды, – деді телекоммуникация комитетінің төрағасы Ержан Мейрамов.
Оның айтуынша, жабдықтың қызмет ету мерзімі шексіз. Компания терминалдарға кепілдік пен техникалық қызмет көрсетеді. Министр өз баяндамасында қазір Starlink-ке 17 өңірде 1485 ауылдық мектеп қосылғанын атап өтті.
Мекемелердегі Starlink интернет жылдамдығы орта есеппен 150 Мбит/с құрайды, ал бұрын 4 Мбит/с аспаған.