Ауыл әкімдерінің сайлауы қашан өтеді?

Ауыл әкімдерінің сайлауы қашан өтеді? Сурет: 24.kz

Биылдан бастап ауыл әкімдерін тікелей халық сайлайды.


Елімізде ауыл әкімдерін сайлау 25 шілдеде өтеді. Халық өз ауылының әкімін таңдау үшін таңғы сағат 7:00-ден кешкі 20:00-ге дейін сайлау учаскелеріне барып дауыс бере алады. Қазір өңірлерде саяси науқанға дайындық жұмыстары қызу жүріп жатыр, деп хабарлайды Almaty-akshamy.kz Almaty.tv сайтына сілтеме жасап.


Бүгінде кандидаттарды ұсыну кезеңі аяқталған. Мәселен, Қызылорда облысында 40 ауылдық округтың әкімі таңдалады. Қазір өңір бойынша 151 үміткер саяси додада бағын сынамақ. 


«151 кандидаттың 9-ы – әйел, яғни 5,9% құрап отыр. Ең жас кандидат 25 жаста. Ең үлкені 62 жаста. Кандидаттардың орташа жасы 41 жасты құрап отыр. Ұсынылған кандидаттардың мамандықтар бөлінісі бойынша ең көбі – мұғалімдер»,– деді облыстық сайлау комиссиясы төрағасының орынбасары Болат Накипов.


Жалпы, елімізде 2346 ауылдық округ әкімі болса, биыл соның шамамен 775-і сайланады. Ел Президенті Қасым-Жомарт Тоқаевтың тапсырмасына сәйкес, биылдан бастап ауыл әкімдерін тікелей халық сайлайды. Бұл өз кезегінде «Естуші мемлекет» қағидатын жүзеге асыруға, партиялардың өкілеттіктерін кеңейтуге жол ашады. 

Сіздің реакцияңыз?
Ұнайды
0
Ұнамайды
0
Күлкілі
0
Шектен шыққан
0
Соңғы жаңалықтар

10:31

10:29

20:26

17:51

16:53

16:41

16:40

16:36

16:32

16:23

15:55

15:52

15:46

15:42

15:36

15:15

14:45

14:14

13:50

12:48

12:12

11:48

11:12

10:50

10:10