Ол жүрек ауруларын тез анықтай алады.
Денсаулығында ондай проблемалары бар адамдарға бүгінде электрокардиография жасалады. Ал мына технологияның дәлдігі одан да жоғары дейді ғалымдар. Оның 256 жеке электроды бар. Небәрі 5 минут ішінде тексеру жүргізеді, деп хабарлайды аlmaty-akshamy.kz 24.kz-ке сілтеме жасап. Демек мамандар уақыт жоғалтпай, бірден науқасқа көмек көрсете алады. Сонда Ұлыбританияда жүрегі ауыратын 2 миллион адам бұл технологияның пайдасын көруі мүмкін. Жобаны Лондон университеттік колледжінің ғалымдары жасап шығарған. Ал оны британдық кардиологиялық қор қаржыландырып отыр.
Габи Каптур, дәрігер: - Бұл кеудешені кию оңай. Бірақ соның өзінде көп ақпарат береді. Біз жүректің үшөлшемді картасын аламыз десек болады. Осыдан кейін науқасқа магнитті-резонанстық томография жасалады. Кейін екеуінің нәтижелерін салыстыра отырып, нақты диагноз қоя аламыз.