Бейнемониторинг жүйелерінің желісін кеңейту жобасы шеңберінде жаңа мекенжайлар тізбесі жасалғаны туралы қала әкімі Е.Досаев Бостандық ауданы тұрғындарымен кездесуінде айтты, деп хабарлайды Almaty-akshamy.kz.
Қала бойынша адамдар көп жиналатын жерлерде қосымша 6000 камера, оның ішінде Бостандық ауданы бойынша 750 камера орнату жоспарланған.
Көлік құралдарын жүргізу тәртібін арттыру үшін қазіргі таңда ауданда 102 «Сергек» аппараттық-бағдарламалық кешені, яғни 784 бейнекамера жұмыс істейді. Сонымен қатар биылғы жылдың бірніші тоқсанында 96 «Сергек» кешені орнатылды. Осылайша, ауданда «Сергек» кешендерінің саны 198-ге, бейнекамералар 1325-ке жетті, - деді қала әкімі.