6 ақпанда ауа райының қолайсыздығына байланысты Қазақстанның үш облысында республикалық маңызы бар автожолдардың кей бөліктерінде көлік қозғалысына уақытша шектеу енгізілді, деп хабарлайды Aqshamnews.kz тілшісі.
Ақмола облысы:
-
05:30-дан бастап Астана – Көкшетау – Петропавл – РФ шекарасы тасжолының 18–232 км аралығы (Астанадан Щучинскке дейін) жабылды.
-
Ашылу уақыты (болжам): 6 ақпан 2026 жыл, 12:00.
Павлодар облысы:
-
06:40-тан бастап Атамекен – Ертіс – РФ шекарасы (Амангелді өткізу пункті) жолының 0–263 км (Атамекен кентінен РФ шекарасына дейін) аралығы;
-
06:40-тан бастап Астана – Шідерті – Павлодар – Успенка – РФ шекарасы (Қосақ өткізу пункті) жолының 254–415 км (Атамекен кентінен Шідерті кентіне дейін) аралығы;
-
07:30-дан бастап Қалқаман – Баянауыл – Үміткер – Ботақара жолының 0–231 км (Қарағанды облысының шекарасынан Қалқаман кентіне дейін) аралығы;
-
07:30-дан бастап ҚХР шекарасы – Майқапшағай – (Зайсан айналма жолымен) – Қалбатау – Семей – Павлодар – РФ шекарасы (Үрлютөбе өткізу пункті) жолының 191–390 км (Мичурино ауылынан РФ шекарасына дейін) аралығы жабылды.
-
Ашылу уақыты (болжам): 6 ақпан 2026 жыл, 12:00.
Шығыс Қазақстан облысы:
-
09:30-дан бастап Өскемен – Алтай – Үлкен Нарын – Катонқарағай – Рахман қайнары жолының 7–166 км (Ушановское ауылынан Алтай қаласына дейін) аралығында шектеу енгізілді.
-
Ашылу уақыты (болжам): 7 ақпан 2026 жыл, 09:00.
Ресми ақпарат «ҚазАвтоЖолдың» Telegram-арнасында жарияланды. Жүргізушілерге жолға шығар алдында бағытты нақтылап, қауіпсіздік талаптарын сақтауға кеңес беріледі.