20-22 маусымда Қазақстанда 9 және 11-сынып түлектеріне сертификат тапсырылды. Дегенмен мұндай сәтке бәрі қуанбаған сияқты. Себебі Қазнетте мектеп түлектері аттестатын қоқыс жәшігіне лақтырып жатқан видео пайда болды, деп хабарлайды Almaty-akshamy.kz.
Қазақстандықтар түлектердің бұл әрекетін әлеуметтік желіде қызу талқылап жатыр. Кейбіреулер мұндай мінез-құлықты ақтауға тырысады, ал басқалары оларды айыптап әлек.
Видеоны жариялаған адам оқиға қай жерде болғанын нақты көрсетпеді.
Оқу-ағарту министрлігі видеоға реакция білдіріп, бүгiнде осы видеоға қатысқан түлектер анықталып жатқанын айтты, деп жазды Zakon.kz.
«Білім бөлімдеріне мұндай фактілердің алдын алу үшін оқушылар мен мектеп түлектеріне, ата-аналар қауымына түсіндіру жүргізу жөнінде ұсыныстар берілді», -дейді оқу-ағарту министрлігі баспасөз хатшысы Мереке Нұрмұханова.