Атбасар қаласының 29 жастағы тұрғынының үйінен криптовалюта жасайтын жабдықтар табылды, деп хабарлайды Аlmaty-akshamy.kz.
Ақмола облыстық полиция департаменті баспасөз қызметінің мәліметінше, биылғы жылғы сәуірдің 24-інде Атбасар аудандық полиция бөлімінің полиция қызметкерлері Атбасар қаласының 29 жастағы тұрғынының үйінен криптовалюта жасайтын жабдықтарды тапты. Оның ішінде 2 дана жұмыс істеп тұрған айтмайнер арнайы жабдығы, сондай-ақ, айтмайнерге қажетті 9 дана жабдық және өзге де қосалқы техникалар бар.
«Табылған жабдықтардың иесі бағдарламашы – 29 жастағы жергілікті тұрғын. Ер адамның үйінде криптовалюта жасап келе жатқандығына 3 ай болған. Қазіргі кезде осыған байланысты іс материалдары мемлекеттік кірістер басқармасына әкімшілік хаттама толтыру үшін жолданды», - деді ведомстводан.
Айта кетсек, қызметтің осы түрі (майнинг) бойынша 2022 жылдан бастап Қазақстан Республикасында төлемақы (цифрлық майнинг үшін төлемақы) алынады.