Қырғыз Республикасы президентінің ресми сайтының мәліметінше, Қырғыз Республикасының президенті Садыр Жапаровтың жарлығымен Алмазбек Шаршенұлы Атамбаев Қырғыз Республикасының келесі мемлекеттік наградаларынан айырылды:
Қырғыз Республикасының ең жоғары ерекшелік дәрежесі "Қырғыз Республикасының Батыры" атағы;
II дәрежелі "Манас" ордені;
"Данакер" ордені;
"Данк" медалі.
Сондай-ақ қаулыда келесі жарлықтардың күші жойылғаны айтылған:
Қырғыз Республикасы президентінің "А.Ш.Атамбаевқа "Даңқ" медалін беру туралы" 1999 жылғы 22 сәуірдегі № 106 Жарлығы;
Қырғыз Республикасы президентінің "А.Ш.Атамбаевқа "Данакер" орденін беру туралы" 2007 жылғы 27 қарашадағы № 518 Жарлығы;
Қырғыз Республикасы президентінің "Республиканың мемлекеттік және қоғам қайраткерлерін мемлекеттік наградалармен марапаттау туралы" 2011 жылғы 30 қарашадағы № 311 Жарлығының үшінші абзацы;
Қырғыз Республикасы президентінің "А.Ш.Атамбаевқа "Қырғыз Республикасының Батыры" ең жоғары ерекшелік дәрежесін беру туралы" 2017 жылғы 27 қарашадағы № 1 Жарлығы.
"Қырғыз Республикасы Бас прокуратурасы жанындағы Сот орындаушылары қызметі белгіленген тәртіппен Қырғыз Республикасының мемлекеттік наградаларын және осы жарлықтың 1-тармағында көрсетілген ілеспе құжаттарды кейіннен мемлекеттік наградалар қорына аудару үшін тәркілеу шараларын қабылдасын", - делінген жазбада.
Жарлық қол қойылған күннен бастап күшіне енеді.