22 қыркүйек күні елорданың Байқоңыр ауданында ерекше форматтағы экологиялық байқау өтті. "Таза Қазақстан" акциясы аясында ұйымдастырылған шара жас суретшілердің қиялы мен жасанды интеллекттің мүмкіндіктерін біріктірді, деп хабарлайды Aqshamnews.kz.
Жаңа ашылған скверде өткен байқауды аудан әкімдігі ұйымдастырды. Мақсаты – жастардың экологияға көзқарасын заманауи технологиялар арқылы көрсету. Қатысушылар нейрожелілер мен генеративті ИИ платформаларын қолданып, экологиялық тақырыптағы суреттерін жасады.
30-дан астам оқушы мен студент қалдықтарды қайта өңдеу, баламалы энергия көздері, табиғатты қорғау сияқты идеяларды шығармашылықпен жеткізді. Олардың туындыларында болашақтың жасыл қалалары, күн мен жел энергиясын пайдаланатын құрылғылар, роботтандырылған қоқыс сұрыптаушылар бейнеленді.
Ұйымдастырушылардың айтуынша, бұл бастама жастардың экологиялық ойлауын қалыптастырып, цифрлық сауаттылығын арттыруға ықпал етеді. Байқау – технология мен табиғатқа жанашырлықты ұштастырған тың қадам ретінде бағаланды.