Қорғаныс министрінің орынбасары Шайх-Хасан Жазықбаев журналистерге берген сұхбатында Қазақстанда әскерге шақыру тәртібін өзгерту жоспарланып жатқанын айтты, деп хабарлайды aqshamnews.kz
Вице-министрдің сөзінше, қазіргі уақытта заң жобасын қабылдау процесі жүріп жатыр. Жаңа ереже бойынша, азаматтарды әскерге SMS-хабарлама арқылы шақыру ұсынылып отыр. Әрбір азамат келіп түскен хабарламаның рас-өтірігін eGov порталындағы жеке кабинеті арқылы тексере алады.
– Заң қабылданғаннан кейін бұрынғыдай үйге барып, шақыру қағазын табыстау болмайды. Шақыру тек SMS арқылы жіберіледі, – деді Жазықбаев.