Алматыда жобаға қатысушы нысандардың саны 2332-ге жетті.
29 маусым күні Алматы қаласы Өңірлік коммуникациялар қызметінің алаңында «Ashyq жобасының мәселелері» тақырыбында онлайн баспасөз-конференциясы өтті, онда қаладағы Кәсіпкерлер палатасы директорының құқықтық мәселелер жөніндегі орынбасары Салтанат Лесбаева Ashyq жобасы кәсіпкерлерге неге тиімді екенін айтты, деп хабарлайды Almaty-akshamy.kz.
Салтанат Лесбаеваның айтуынша, 4 маусым күні жобаға қосылған нысандардың саны 1700 болса, бүгінгі таңда оның саны 2332-ге жетті.
«Оның ішінде 186 СПА орталығы, 24 бильярд, 134 компьютерлік клубы, 23 кинотеатр мен филармония, 22 балалар орталығы, 3 темір жол вокзалы және 15 қонақ үй бар», – деді Салтанат Лесбаева.
Оның айтуынша, бүгінгі таңда Ashyq жобасына қосылу әдісі айтарлықтай жеңілдетілген, электрондық сандық қолтаңба болса болғаны. Өтініш бір күнде қаралады.
