Алматы қаласы бойынша Қылмыстық-атқару жүйесі департаментінің ардагерлері Халықаралық қарттар күніне орай ерекше құрметке ие болды, деп хабарлайды aqshamnews.kz
Қылмыстық-атқару саласының қиын да күрделі қызметінде мол тәжірибе жинаған бүгінгі ардагерлердің жас мамандарға берер тәлімі мен тәрбиесі – баға жетпес құндылық. Осы орайда аға буын өкілдері өздерінің қызмет жолындағы жетістіктерімен бөлісіп, департаменттің жеке құрамына адал және абыройлы қызмет етуді өсиет етті.
Қарттар күніне арналған салтанатты жиында Ардагерлер кеңесінің төрағасы Е. Сағалбаев құттықтау сөз сөйлеп, 50 ардагерге сый-сияпат табыстады. Мерекелік жиын ардагерлерге көтеріңкі көңіл-күй сыйлап, олар көптен бері көріспеген қарттармен мерекелік дастарқан басында әңгіме-дүкен құрып, қауышты.