Әлемге әйгілі әнші Димаш Құдайберген "Қазақстанда қазақ тілінде сөйлейтіндер көбейіп барады, бір шара қолдану керек" деген пікір айтқан Олжас Байділдиновті сынап тастады, - деп хабарлайды aqshamnews.kz тілшісі.
"Біз, қазақтар, әлемнің барлық тілін құрметтейміз. Бірақ құрмет өзіңнен басталады. Өзгенің мақұлдауы үшін өз тілінен ұялатын адам сөзін емес, тамырын жоғалтады. Олжас, арандатушы әрекетің үшін жұмыстан қуыласың деп үміттенемін, себебі сен кішкентай қорқақ баладайсың. Қазақша әдейі жазған жоқпын, өйткені қазақша түсінбейсің", - деп жазған Димаш.
Еске салайық, бұған дейін желіде 'нергетика министрінің бұрыyғы кеңесшісі Олжас Байділдиновтің қазақ тіліне қатысты айтқан пікірі тараған еді.
"Кейінгі кезде қоғамда мемлекеттік тіл – қазақ тілінде сөйлейтіндер артып келеді. Бұл үрдіс әлеуметтік желілерде, БАҚ-та және күнделікті өмірде айқын байқалады. Бұл мигранттарға қиындық туғызады. Бұған бір шара қолдану қажет", - деген еді.
Бұл мәлімдеме қоғамда үлкен резонанс туғызды.
Айта кетейік, Олжас Байділдинов тағы бір ұсынысы үшін сын астында қалды. Ол Астана мен Алматы қалаларында жол жүру ақысын 500 теңгеге дейін өсіруді ұсынды.