30-ға жуығы "омикрон" штамын жұқтырған
Ақтөбе облысында коронавирустың жаңа штамы "омикрон" анықталды. Бұл туралы өңір әкімі Оңдасын Оразалин мәлімдеді, деп хабарлайды Almaty-akshamy.kz 24.kz сайтына сілтеме жасап.
«Бұған дейін тәулігіне коронавирус жұқтырудың бір-екі дерегі тіркелетін, кейде тіпті мұндай деректер болмайтын да. Ал қазір, кейінгі тәуліктің өзінде 70-ке жуық жағдай анықталды. Деректерге сүйенсек, олардың 30-ға жуығы "омикрон" штамын жұқтырған», - деді Ақтөбе облысының әкімі Оңдасын Оразалин.
Айта кетейік, кейінгі тәулікте Қазақстанда 1 945 коронавирус жұқтыру дерегі тіркелген. Оның 1 319-ы Нұр-Сұлтанда. Елорда, эпидемиологиялық жағдайды бағалау матрицасына сәйкес, «қызыл» аймақта тұр.