Ақтаудағы Caspi Bitum ЖШС мұнай өңдеу зауытында өрт шықты, деп хабарлайды Aqshamnews.kz "ҚазМұнайГаз" ұлттық компаниясының баспасөз қызметіне сілтеме жасап.
Ведомство мәліметінше, оқиға 6 қыркүйекте таңертең болған. Сағат 08:05-те зауыттағы атмосфералық колоннаға баратын құбырдан өрт тұтанған.
"Өрт ошағы 08:32-де зауыттың стационарлық өрт сөндіру жүйесі арқылы сөндірілді. Сонымен қатар "Семсер-Өрт Сөндіруші" ЖШС және қалалық ТЖД өрт сөндіру қызметі де оқиға орнына жұмылдырылды", – делінген хабарламада.
Компанияның мәліметінше, өрт салдарынан зардап шеккендер мен материалдық шығын жоқ.