Ақтауда екі ер адам жанжал барысында пышақ жарақатымен ауруханаға түсті. Полиция күдіктіні ұстады, деп хабарлайды Aqshamnews.kz тілшісі Lada.kz-ке сілтеме жасап.
Оқиға сенбіге қараған түні 12-шағын ауданда болған. Құқық қорғаушылар қылмыс орнын қоршауға алды.
Маңғыстау облыстық полиция департаментінің мәліметінше, ер адамдар спирттік ішімдік ішу кезінде жанжалдасып қалған. Сол сәтте екеуі пышақ жарақатын алған. Жарақат алғандар ауруханаға жеткізілді.
Полиция күдіктіні анықтап, қамауға алды. Қазір ол уақытша ұстау изоляторында отыр. Аталған дерек бойынша денсаулыққа қасақана зиян келтіру бабымен сотқа дейінгі тергеу басталды.