Ақтау әуежайында орын алған ұшақ апатына дейін және кейінгі оқиғалар туралы толық ақпаратты ҚР Транспорт министрі Марат Карабаев мәлімдеді, деп хабарлайды aqshamnews.kz.
Министрдің айтуынша, оқиға былай болған:
- Экипаж Қазақстан аумағына кіріп, диспетчермен байланыс орнатқан.
- Диспетчер қауіпсіз қону үшін барлық қажетті шараларды қабылдаған.
- Ұшақтың пилотына жұмысын жеңілдету мақсатында ұшу-қону жолағындағы жарық шамдары қосылған.
- Ұшақ екі рет қонуға әрекеттенген, осы уақытта оның биіктікті ұстай алмай өзгерістерге ұшырап отырған.
- Кейін ұшақ теңіз жағалауына қарай ауытқып кеткен.
- 11:28-де экипажбен байланыс үзілген, сол уақыттан кейін жерге құлаған.
- Алғашқылардың бірі болып әуежайдың құтқару қызметі оқиға орнына жетіп, жолаушыларды эвакуациялауды бастады.
Бұл трагедиялық оқиға әуежай қызметінің жылдам әрі кәсіби әрекетінің арқасында белгілі бір деңгейде бақыланған.