Ақтау әкімдігі жаңа жылдық безендіру үшін 20 метрлік екі жасанды шырша сатып алуға ниетті.
Тапсырыс беруші — Ақтау қалалық тұрғын үй-коммуналдық шаруашылық бөлімі, деп хабарлайды aqshamnews.kz. Бұл мақсатқа бюджетте 98 403 854,00 теңге қарастырылған. Оған мереке атрибуттарын жеткізу мен орнату кіреді.
Шыршалар жасыл түсті, конустық пішінді, биіктігі 20 метр. Негізінің диаметрі — 7,4 метр, болат қаңқаның салмағы — кемінде 2 000 килограмм, қылқан жапырақтардың салмағы — кемінде 950 килограмм. Шыршалар гирляндалар мен шарлармен, сондай-ақ жарықдиоды бар сәндік аркамен безендіріледі. Орнату орнын тапсырыс беруші анықтайды делінген құжатта. Бұдан басқа, қалада бірнеше жаңажылдық орын пайда болады: 15 шағын ауданның жағалауы, 11 шағын аудандағы Ынтымақ алаңы мен 19А шағын аудандағы Әбіш Кекілбаев мұражайының аумағындағы алаң. Олар жаңа шағын сәулет нысандарымен: бұғымен (6 бірлік) және жарық аркасымен (2 бірлік) безендірілетін болады.
Орнату 2024 жылдың 17-24 желтоқсаны аралығында жүргізу жоспарланған. Бөлшектеу — 2025 жылғы 15 қаңтар.