АҚШ-та қанша қазақстандық бар екені жайында Сыртқы істер министрлігінің өкілі жауап берді, деп хабарлайды aqshamnews.kz
Қазақстанның Сыртқы істер министрінің орынбасары Әлібек Бақаевтың мәліметінше, АҚШ-тың консулдық тізімінде шамамен 25 мың қазақстандық тіркелген.
Дегенмен, тіркелмеген азаматтардың нақты саны белгісіз, сондықтан бұл көрсеткіш толық дәл емес.
Қазіргі уақытта АҚШ-тан Қазақстан азаматтарын шығаруға қатысты қандай да бір ресми ақпарат жоқ. Бірақ жақында Қазақстан елшілігі АҚШ-тағы қазақстандықтарға миграциялық заңнаманың қатаңдатылып жатқанын ескертіп, ақпарат таратыпты. Бұл қадам АҚШ-та тұрып жатқан қазақстандықтарға заңды талаптар мен өзгерістер туралы уақытылы хабардар болуды қамтамасыз ету мақсатында жасалған.