Маймыл шешегін жұқтырғандардың ең көбі Нью-Йоркте.
АҚШ-тың 39 штатында маймыл шешегін жұқтырған 767 адам тіркелді, деп хабарлады Almaty-akshamy.kz.
АҚШ-тың Ауруларды бақылау және алдын алу орталықтарының соңғы мәліметтеріне сәйкес, маймыл шешегін жұқтырғандардың ең көбі Нью-Йоркте – 153, одан кейін Калифорнияда – 136 және Иллинойсте – 91 жағдай анықталған.
АҚШ Денсаулық сақтау және халыққа қызмет көрсету министрлігі дүйсенбіден бастап эпидемиямен күресу үшін бекітілген екі реттік Jynneos вакцинасының 144 мың дозасы қалалар мен штаттарға таратылатынын хабарлады.
Айта кетсек, Америкалық LabCorp медициналық компаниясы Солтүстік Каролинадағы бас зертханасында маймыл шешегіне арналған сынақты бастады, ол аптасына 10 мыңға дейін тест қабылдай алады. Бұл АҚШ-тың тестілеу мүмкіндігін екі есе арттырады.