Венесуэла президенті Николас Мадуро мен оның жұбайы Силия Флорес Нью-Йорк сотында жауап беріп, өздерінің кінәсіз екенін айтты. Екеуі де өзіне тағылған айыптарды мойындамайтынын атап өтті.
«Мен адал адаммын және елімнің президенті болып қала беремін», – деді Николас Мадуро.
Олар түрме киімін киген, әрі аудармаға арналған құлаққапты пайдаланды.
Келесі сот отырысы 17 наурызға белгіленді. Сол уақытқа дейін Мадуро мен оның жары Нью-Йоркте қамауда отырады. Мадуроның өкілдері оның тұтқындалуының заңдылығына күмән келтіріп, оны егемен елдің басшысы ретінде дипломатиялық иммунитетке ие деп қорғауға ниетті. Алайда АҚШ билігі Мадуроны Венесуэланың президенті ретінде мойындамай отыр.