Қазақстанның Денсаулық сақтау министрі Ақмарал Әлназарованың Instagram желісінде хабарлағанындай, ел бойынша қан орталықтарында екі күн ішінде 1,5 мыңнан астам адам 800 литр қан тапсырды, деп хабарлайды aqshamnews.kz
Ақтауда қан тапсыруға 490 адам келген болса, Астанада – 600-ден астам, Шымкентте – 125, Ақтөбеде – 109, Жетісуда – 49, Қарағандыда – 40, ал Шығыс Қазақстан облысында – 34 адам қатысқан. Министрдің айтуынша, басқа да өңірлердің тұрғындары белсенділік танытқан.
"Осы қайғылы әуе апатынан зардап шеккендер үшін қан тапсырған әрбір азаматқа, біздің медицина қызметкерлеріне көмектескендерге шын жүректен алғысымды білдіремін," – деп жазды министр.
Бұл оқиға қазақстандықтардың жанашырлығы мен ортақ қайғыны бөлісуге деген ынтасын көрсетті. Ел тұрғындары осындай қиын сәтте бірліктің маңызды екенін дәлелдеді.