Nutrition журналына жарияланған зерттеу мәліметінше, аптасына 10 сағаттан аса компьютер ойынымен айналысу адамның, әсіресе жастардың ағзасына зиян: ұйқыны нашарлатады және семіздікке әкеп соғады.
Зерттеуге Австралияның 5 университетінен орташа 20 жастағы 317 студент қатысқан. Олар үш топқа бөлінді:
Төмен деңгей – аптасына 5 сағат ойнайтындар;
Орташа деңгей – 5-10 сағат ойнайтындар;
Белсенді ойыншылар – 10 сағаттан аса ойнайтын жастар.
Аптасына 5 сағат ойнайтын адамдармен салыстырғанда, белсенді ойыншылардың тамақтану сапасы нашарлағаны, семіздікке душар болғаны анықталды. Үш топтың да ұйқы сапасы жақсы емес, ал белсенді ойыншыларда едәуір төмен.
Профессор Марио Сиерво компьютер ойындарынан бас алмау баланың дұрыс тамақтану, сапалы ұйқы, дене қимылы сияқты жақсы әдеттерінен айырады дейді.
Зерттеушілер компьютер ойынымен шектен тыс әуестену денсаулыққа қауіпті деген түйінге келді.
