Бұл туралы компанияның сайтында оның негізін қалаушы Роберт фон Бэр мәлімдеді.
Apple компаниясы жарты ғасырлық тарихы бар дыбыс жазушы BIS Records компаниясын сатып алды, деп хабарлайды Almaty-akshamy.kz.
Бұл Apple компаниясының наурыз айында 5 миллионнан астам композицияны қамтитын Apple Music Classical қосымшасын қолданысқа енгізуімен байланысты болуы мүмкін.
BIS Records Apple Music Classical қосымшасына және Apple жаңа таланттар мен контент жасаушыларды қолдау үшін сатып алған Platoon компаниясына кіріктіріледі деп болжанады.
Бэр өзінің және BIS-тің өзге де қызметкерлерінің Apple компаниясы сапында қала беретіндерін растады. Аталған жайт Apple-нің музыка индустриясында бәсекеге қабілетті екенін көрсетіп, классикалық музыка нарығын игеруге бағытталған күш-жігерін танытады.