Еліміздің балалары үшін Оқу-ағарту министрлігі айрықша тарту жасап, алғаш рет Халықаралық балаларды қорғау күнінде қазақ тіліндегі балалар әндерінің фестивалі басталған еді. Тұңғыш рет ана тілінде өтіп отырған мұндай фестиваль біздің елімізде жоққа тән. Сонымен қатар, аталмыш фестиваль -ең алдымен балалар мен жасөспірімдерге рухани-адамгершілік және азаматтық тәрбие беруде тиімді құрал іспетті.
«Әншуақ» фестивалі балалардың таланттарын ашуға мүмкіндік берумен қатар, олардың бойына патриоттық сезімді дарытады. Байқау барысында балалар еліміздің тарихи- мәдени құндылықтарын да қоса насихаттайды. Сондықтан осынау шара «Біртұтас тәрбие» бағдарламасы аясында өскелең ұрпақты тәрбиелеуде маңызды рөл атқара бастағанын да айта кетуіміз орынды. Жалпы, біз өскелең ұрпақтың бойына тарихи, рухани, мәдени құндылықтар негізінде адами қасиеттерді сіңіру туралы көп айтамыз. Осы бағытта тәрбиелеу «Біртұтас тәрбие» бағдарламасының басты міндетті. Аталмыш фестиваль жас патриоттарды тәрбиелеуге көмектесетін ән мерекесі. Сондай-ақ, балаларды көпшілік алдында еркін сөйлеуге де үйретеді. Сонымен, дәл қазір елімізде «Әншуақ-2024» балалар әндерінің екінші республикалық челленджі басталып, оған 6-18 жас аралығындағы балалар мен жасөспірімдер қатыса бастады. Мұндағы басты мақсат-балалар қазақ тіліндегі әнді жанды дауыста орындап, бейнежазбасын #Әншуақ-2024 хэштегімен TikTok-та жариялауытиіс. Қазірдің өзінде балалар орындаған бейнероликтер 200 мыңнан астам қаралым жинап отыр. Мәселен, «Әншуақ» балалар әндерінің челленджі алғаш рет 2024 жылдың 1 ақпаны мен 1 маусымы аралығында өтіп, жеті ай ішінде 12 мыңнан астам жарияланым және 12 миллионнан астам қаралым жинаған болатын. Еліміздің әр өңірінде «Ореn Air» форматында ең танымал балалар әндері шырқалған еді.
«Жаңа оқу жылы басталғалы бері осы идеямен шабыттанған 5 мыңға жуық мектеп оқушысы челленджге қосылды. Олар бейнежазбаларын «Әншуақ-2024» хэштегімен TikTok-та жариялап, өздері орындаған балалар әндерін «Қазақ радиосына» жолдап жатыр. Ағымдағы жылдың қыркүйек айынан бастап «Қазақ радиосында» «Әншуақ радио-фестивалі» айдары ашылды. Бұл бүкіл Қазақстанның түкпір- түкпіріндегі балалардың басын біріктіретін шығармашылық толқын. Қатысушылар тек ән орындап қана қоймай, сол әндердің өз өмірінде алар маңызы туралы ойларымен де бөліседі», - дейді «Республикалық қосымша білім беру оқу-әдістемелік орталығының» директоры Раиса Шер.
«Әншуақ» қазақ тіліндегі балалар әні фестивалінің Гала-концерті 2025 жылғы 1 маусымда Астана қаласында өткізіледі. Республикалық қазылар алқасы 2025 жылдың сәуірінде қазақ тіліндегі балалар әндері орындаушылары қатарынан челлендж кезінде
- Tik-Tok әлеуметтік желісінде ең көп қаралған қазақ тіліндегі танымал балалар әндерін, Гала-концерт бағдарламасына қатысатын ең жақсы әндерді анықтайды.
Гала-концерттің барлық қатысушылары дипломдармен, бағалы сыйлықтармен, «Балдәурен» республикалық оқу-сауықтыру орталығына жолдамалармен марапатталады.