Алматыда жылу желілеріндегі жөндеу жұмыстары кезінде Алтынсарина даңғылының бойымен жүру жартылай шектеледі.
27 қыркүйекте сағат 22:00-ден 28 қыркүйек сағат 08:00-ге дейін Алматы қаласы Әуезов ауданында Алтынсарин даңғылы бойымен №6 қалалық емханадан Абай даңғылына дейін оңтүстік бағытта көлік қозғалысы жабылады, деп хабарлайды aqshamnews.kz.
Солтүстік бағытта қозғалыс ашық болады.
Уақытша шектеулер жылумен жабдықтау желілерін алдағы жылу беру маусымына дайындау шаралары аясында магистральдық құбыр учаскесінде жөндеу жұмыстарының қауіпсіздігін қамтамасыз ету мақсатында енгізілуде.
Естеріңізге сала кетейік, қозғалысты шектеуге қатысты барлық ақпарат Almaty.kz сайтында, Telegram @AlmatyJoly арнасында, аудан әкімдіктері мен басқармаларының әлеуметтік желілерінде, сондай-ақ 2GIS және Яндекс карталары сервистерінде орналастырылған.
«Алматы жылу желілері» ЖШС уақытша қолайсыздықтар үшін кешірім сұрап, түсіністік танытуды сұрайды.