Мақсат — халықаралық туризм саласындағы ынтымақтастықты нығайту және қаламызға туристер тарту.
Оның аясында жетекші туроператорлар мен әуе компанияларымен келіссөздер жүргізіледі, деп хабарлайды aqshamnews.kz
Қытайда Алматының туризм күндері өтеді. Қала әкімдігінің мәліметінше, іс-шара 14 қазанда Сианда, ал 16 қазанда Бейжіңде ұйымдастырылады.
Бағдарлама аясында Қытайдың жетекші туроператорлары және әуе компанияларымен келіссөздер, сондай-ақ Алматының бірегей туристік ұсыныстарының тұсаукесері жоспарланған. Қатысушылар қазақстандық артистердің өнерін тамашалап, қолөнершілердің шеберлік дәрістеріне қатысып, ұлттық тағамдардың дәмін татады.
Соңғы күні ірі туроператорлар арасында Алматыда турдың ұтыс ойыны өткізіледі. Жеңімпаздар «Медеу» мен «Шымбұлақ» сияқты көрнекі орындармен таныса алады.