Алматы қаласы ТЖД қызметкерлерінің балалар қауіпсіздігі мәдениетін насихаттау және дамыту жөніндегі іс-шараларымен 2,5 мың бала қамтылды, деп хабарлайды Almaty-akshamy.kz.
«Ерекше балалары» бар әлеуметтік қызмет көрсету орталықтарында, қамқорлыққа алынған балалар үйлерінде және мегаполистің ірі ойын-сауық саябақтарында, оның ішінде «Family park», «Тұңғыш Президент», И.Ганди атындағы парк, «Гүлдер», «Құтқарушылар аллеялары» және т. б. «қауіпсіздік бұрыштарында» - жас алматылықтар мотоцикл экипаждарымен және құтқару техникасымен танысты, балалар үшін су айдындары, өрт пен жер сілкінісіндегі ережелерді білуге арналған суреттер конкурстары, би ойындары мен викториналар ұйымдастырылды.
Сонымен қатар, қаланың барлық өрт сөндіру бөлімдерінде кішкентай қонақтар үшін «Ашық есік күндері» өткізілді.
Акцияның барлық жас қонақтары өрт сөндіру машинасының фонында суретке түсіп, көлік жүргізіп, өрт сөндірушілердің жабдықтарын киіп, өрт оқпанынан сумен «атып» көрді.
Естеріңізге сала кетейік, ағымдағы жылдың басынан бастап ТЖД және РЖҚЖ өрт сөндірушілері ТЖ орындарынан 93 адамды құтқарды, оның 23-і балалар .