Биыл қала театрлары Парижден Мәскеуге дейінгі 20-дан астам әлемдік қалада өнер көрсетті. Қуыршақ театры мен «Алатау» дәстүрлі өнер театры Қазақстан атынан Авиньон фестивалі мен Чехов атындағы халықаралық театр фестивалінде сахнаға шықты.
Париждегі ЮНЕСКО штаб-пәтерінде Нұрғиса Тілендиевтің 100 жылдығына арналған халық аспаптарының көрмесі өтті.
Соңғы үш жылда Алматы мәдени ынтымақтастықты кеңейту мақсатында 18 халықаралық меморандумға қол қойды.
«Біз дәстүрді сақтап қана қоймаймыз – біз әлем таныған Алматының мәдени брендін қалыптастырып жатырмыз», – деп атап өтті қала әкімінің орынбасары Азамат Қалдыбеков.
Оңтүстік астана қайтадан үлкен мегаполистің мәдени қарқынында өмір сүруде.
Жыл басынан бері қалада 1300-ден астам мәдени іс-шара өтіп, оларды 1,3 миллионнан астам адам тамашалаған.
«Біз мәдениетті тек мереке күндері емес, күн сайын сезінгіміз келеді. Әр тұрғын өз қуанышын саябақта, көшеде, өз ауласында таба алатындай болсын дейміз», – деді Азамат Қалдыбеков.
Алматыда жыл бойы маңызды мерекелер мен тарихи даталар аталып өтті. Қала күніне орай өткен 200-ден астам іс-шара жарты миллионнан астам тұрғын мен қонақты біріктірді.
2030 жылға дейін Алматыда жаңа театрлар, кітапханалар, арт-кеңістіктер мен мәдени орталықтар салынады.
Мақсат – мәдениетті әр алматылыққа, мектеп оқушысынан бастап зейнеткерге дейін, қолжетімді ету.
