Бұл сұрақтың жауабын Жасыл экономика басқармасының басшысы Наталья Ливинская берді.
«Алматы» телеарнасындағы Akimat LIVE бағдарламасына қатысқан Наталья Ливинская Алматының қай ауданына көбірек ағаш егілетінін айтты, деп хабарлайды Almaty-akshamy.kz.
«Біз Түрксіб, Жетісу, Алатау және ішінара Наурызбай аудандарына барамыз. Неліктен дәл сол жерлерге? Мұның белгілі себептері бар. Мысалы, Түрксіб және Жетісу аудандарында апатты жасыл қор бар. Біз сол жерде жасыл қорды жаңартып, қолдауға міндеттіміз. Соның ішінде Алатау – қосылған аудан. Онда тақыр жерлер жеткілікті, бұл орайда қалалық атмосфера жасау үшін оны ағаш егуден бастаймыз. Бұл Наурызбай ауданына да қатысты», – деді Наталья Ливинская қала тұрғындарының сұрақтарына жауап бере келіп.
«Біздің осы жоспарларымыз қаланың орталық аудандарына еш әсер етпейді. Біз бұл жерге жаңадан отырғызылатын көшеттер мен ескі ағаштарға зиян тигізбеу үшін жасыл желектерді отырғызуды толықтырып, оларды жаңадан егетін боламыз» – деді Жасыл экономика басқармасының басшысы.