Көрісу күніне орай Алматының Өңірлік коммуникациялар қызметі осы маңызды күнге арнап арнайы анимациялық бейнеролик әзірледі. Бейнероликте осы мереке күні туған-туыстың, көршілер мен достардың бір-бірімен кездесіп, ізгі тілек білдіруді дәстүрге айналдырғаны айтылады, – деп хабарлайды aqshamnews.kz тілшісі.
Сонымен қатар роликте Наурызнаманың онкүндігінің ерекшелігі мен мерекелік күндерді де таныстырып шықты.
ӨКҚ мамандары күн сайын Наурыздың әр күні мен соған байланысты ұлттық дәстүрлер туралы материалды үзбей жариялап отырады. Мұндай бастама мәдени мұраны сақтап, дәстүрге деген қызығушылықты арттырып, алматылықтардың арасындағы бірлік пен ынтымақты нығайтуға ықпал етпек.