Алматы қаласының ҚАЖ департаментіне қарасты №11 мекемесінде бас бостандығынан айырылып, жазасын өтеп жатқан жасөспірімдерге театр келді.
Мемлекеттік қуыршақ театрының артистері “Қуыршық-думан” шығармасын қойып берді. Балалар асқан ынтамен, ойлы көзқараспен тамашалады.
— Мұндай іс-шаралар бізге, әсіресе, аяғын жаза басып, сотты болған балаларға керек. Қуыршақ бейнелердің өзі оларды ізгілікке үндеп, адамгершілік қасиеттерге баули алады деп білемін. Бізге осындай танымдық, тәрбиелік, рухани кеш сыйлаған өнер өкілдеріне ризамыз. Жасөспірімдер де бір серпіліп қалды, — дейді түзеу мекемесі бастығының міндетін атқарушы әділет подполковнигі Н.Керебаев.
