Алматының коммуналдық қызметтері «Қайрат – Астана» матчінде тазалықты қамтамасыз етті, – деп хабарлайды aqshamnews.kz тілшісі.
Алматының Орталық стадионында «Қайрат» пен «Астана» командалары арасында футбол матчы өтті. Қала тұрғындары мен футбол жанкүйерлеріне жайлы жағдай жасау және тазалықты сақтау мақсатында коммуналдық қызметтер іргелес аумақта санитарлық тазалау жұмыстарын ұйымдастырды.
«Алматы Тазалық» ШЖҚ МКК күшімен нысанға 50 жұмысшысы қызметкерлерін жұмылдырылды. Олар Абай даңғылы, Байтұрсынов және Сәтбаев көшелері қатарлы негізгі учаскелерге, сондай-ақ стадион периметрі бойынша бөлінді.
Жұмысқа 12 бірлік арнайы техника тартылды. Матч алдында, ойын барысында және ол аяқталғаннан кейін тиісті санитарлық жағдайды сақтау шаралары толықтай жүзеге асырылды.
Коммуналдық қызметтер кешенді іс-шараларды, соның ішінде механикаландырылған және қолмен тазалау, жол мен тротуарларды жуу, қоқыстарды жинау және уақытылы шығару, сондай-ақ іргелес аумақтарды ретке келтіру жұмыстарын атқарды.