Медеу және Жетісу ауданындағы ғимараттардың бір бөлігі ыстық судан уақытша ажыратылады.
13 шілдеде Алматыдағы кейбір аудандарда ыстық су болмайды, деп хабарлайды Almaty-akshamy.kz.
«2022 жылғы 13 шілде күні сағат таңғы 09.00-ден кешкі 21.00-ге дейін Медеу және Жетісу ауданындағы Қонаев – Райымбек – Жангельдин – Есік – кіші Алматы өзені – Айтеке би – Қалдаяқов – Мақатаев – Уалиханов көшелерінің контурында орналасқан тұрғын үйлерге және өзге де ғимараттарда ыстық су болмайды», - делінген «Алматы жылу жүйесі» ЖШС хабарламасында.
Шектеулер жылу желілерінде жоспарлы жөндеу жұмыстарын жүргізу үшін енгізіледі.
Мамандар уақытша қолайсыздықтар үшін алматылықтардан кешірім сұрайтынын айтты.
