ffin.kz

Алматының Белсенді ұзақ өмір сүру орталықтарына күн сайын мыңнан астам қариялар келеді 

Алматының Белсенді ұзақ өмір сүру орталықтарына күн сайын мыңнан астам қариялар келеді  inalmaty.kz

Алматы әкімдігі егде жастағы адамдардың өмір сүру деңгейі мен сапасын арттыруға қамқорлық жасайды. 2018 жылдан бастап мегаполисте «Белсенді ұзақ өмір» ("Активное долголетие") жол картасы жүзеге асырылуда. Жоба аға буын өкілдері арасында үлкен сұранысқа ие. Белсенді ұзақ өмір сүрудің 9 орталығында қатысушылар пікірлестерін табады, уақытын қызықты өткізеді, жаңа нәрсені үйренеді. Бұл жұмыс туралы Алматы қаласы әлеуметтік әл-ауқат басқармасы басшысы орынбасарының міндетін атқарушы Жәнібек Қаратаев айтып берді, деп хабарлайды almaty-akshamy.kz




Жәнібек Қаратаев атап өткендей, бұл орталықтар ағылшын тілін оқып, компьютерлік сауаттылық курстарынан өтіп, емдік дене шынықтырумен, бимен және басқамен айналысуға мүмкіндік беретін демалыс мекемелері болып табылады. Нәтижесінде қарт адамдардың қоғамдық белсенділігі артады және олардың психикалық-эмоционалды жағдайы жақсарады. 



«Жол картасының іргетасы қаладағы алғашқы Белсенді ұзақ өмір сүру орталығының ашылуы болды. Бүгінде қалада тоғыз Белсенді ұзақ өмір сүру орталығы қызмет көрсетеді, яғни мұндай орталықтар барлық аудандарда жұмыс істейді. Оларға күн сайын 1 мыңнан астам адам келеді», - деді әлеуметтік әл-ауқат басқармасы басшысының орынбасары. 



Оның айтуынша, орталықта қарт адамдарға түрлі қызметтер мен демалыс түрлері ұсынылады. Бұл - өмірлік тонус пен денсаулықты сақтау үшін дәрігерлердің кеңестері, психологтармен әңгімелер, курстарда оқыту, дене шынықтыру. Зейнеткерлер қолөнер, музыка және би, қазақ және ағылшын тілі сабақтарына, компьютерлік курстарға қатыса алады. Оларды мұражайларға, театрларға, көрмелерге, киноларға бару ұйымдастырылып, мерекелер өткізіледі.


Сонымен қатар, зейнеткерлер бос уақыттарында шахмат, нарды, домино ойнайды, сурет салу, кескіндеме және графика, өсімдік шаруашылығы, қолөнер, сондай-ақ жадыны нығайту техникасы бар. Орталықтардағы барлық іс-шаралар санитарлық-эпидемиологиялық нормаларды сақтай отырып жүргізіледі.



 «Шамамен 13 500 қарт алматылық емдік йогамен, скандинавиялық жүріспен, ЕДШ айналысады. Бұл қызмет түрі, әсіресе, зейнеткерлер арасында танымал. Зейнеткерлер кеңес алу үшін геронтолог, кенезиолог-психологтарға жүгіне алады», - деді Жәнібек Қаратаев.



Ашылған күннен бастап қазіргі уақытқа дейін орталықтарда 25 мыңнан астам зейнеткер тіркелген, 274 мың қызмет көрсетілген.


Әлеуметтік әл-ауқат басқармасының өкілі жергілікті атқарушы органдардың қолдауымен биыл 500-ден астам зейнеткер үшін Есік, Қапшағай қалаларына, Ой-қарағайға, Қаскелең шатқалына туристік сапарлар ұйымдастырылғанын айтты.


Ағымдағы жылдың шілде айынан бастап белсенді ұзақ өмір сүру орталықтарында «құм арт-терапия» техникасы курсы жүргізілуде. Бұл психотерапия әдістерінің бірі - ішкі кернеуді жеңілдету әдісі. Қарттар үшін психикалық-эмоционалды жайлы орта жасау. Аталған курсқа елуден астам егде азаматтар қатысты.

Сіздің реакцияңыз?
Ұнату
0
Ұнамайды
0
Күлкілі
0
Шектен шыққан
0
Соңғы жаңалықтар

21:49

19:02

18:44

18:21

18:04

17:49

17:33

16:55

16:55

16:37

16:15

16:07

15:58

15:19

15:05

14:30

14:22

14:14

13:35

13:10

12:49

12:43

12:32

12:21

12:04