Қорғаныс министрлігі әлеуметтік желідеАлматыға қатысты тарап жатқан ақпаратқа пікір білдірді, - деп хабарлайды aqshamnews.kz тілшісі.
Әлеуметтік желіде "әскерилердің іс-әрекетіне байланысты Алматының әуе кеңістігі жабылып, әскери жағдай енгізілді" деген ақпарат тарады. Министрлік бұл ақпаратты жоққа шығарды.
"Қорғаныс министрлігі Қазақстан Республикасының әуе кеңістігіне ешқандай шектеулер енгізген жоқ. Әуе кеңістігін пайдалану Қазақстан Республикасының заңнамасына сәйкес уәкілетті органдар арқылы жүзеге асырылады. Әлеуметтік желілерде тараған ақпарат жалған екенін еске саламыз", - деп жазылған хабарламада.
