Арықтар мен нөсер ағындарына қоқыспен бітеп тастаған алматылықтарға айыппұл салынады
«985 тонна қоқыс»: арықтар мен нөсер ағындарын қоқыспен бітеп тастағаны үшін Алматыда айыппұл салынатын болады, деп хабарлайды Almaty-akshamy.kz Алматы қаласы Коммуналдық инфрақұрылымды дамыту басқармасының мәліметіне сілтеме жасап.
«Қазгидромет» РМК болжамы бойынша, 28-30 наурыз аралығында Алматы қаласында жаңбыр түрінде жауын-шашын күтілуде.
Бүгінгі күні қаланың коммуналдық қызметтерінің күшімен арық желілерін, арық өткелдерін және қоқыс төгілген «ойық жерге» тазалау жұмыстары жүргізілді. 27 наурыздағы жағдай бойынша, 985 тонна қоқыс пен лай шығарылды. Барлық арық желілері тазаланған.
Жауын-шашын кезінде су басудың алдын алу үшін мотопомпалармен және шанц құралдарымен жабдықталған 52 жедел мобильді бригаданың кезекшілігі ұйымдастырылатын болады. 2 мың қап құм дайындалған. Аудандық әкімдіктерде жұмысты бақылау бойынша тәулік бойы кезекшілік жүргізіледі.
Су тасқынының алдын алу үшін қала тұрғындарынан арықтарды, нөсер ағындары мен каналдарды қалдықтармен бітеп тастамауды сұраймыз. ӘҚБтК-нің 505-бабы бойынша «Қалалар мен елді мекендердің аумақтарын абаттандыру қағидаларын бұзу, сондай-ақ инфрақұрылым объектілерін бұзу, қала мен елді мекендердің жасыл желектерін жою және зақымдау» бойынша бұзушылар әкімшілік жауапкершілікке тартылатынын қосымша хабарлаймыз, бұл ескертуге немесе 20 АЕК мөлшерінде айыппұл салуға әкеп соғады.