Алматылық спортшылар Turkish Open халықаралық турнирінде жүлделі орындарға ие болды, – деп хабарлайды aqshamnews.kz тілшісі.
2026 жылы 26-31 наурыз аралығында Түркияның Анталья қаласында жастар арасында таэквондодан Turkish Open халықаралық турнирі өтті. Жарысқа әлемнің әртүрлі елінен келген үздік спортшылар қатысып, бәсекенің жоғары деңгейде өткенін көрсетті.
Алматы қаласы Спорт басқармасы өкілдерінің мәліметінше, алматылық таэквондошылар жоғары дайындық деңгейін көрсетіп, халықаралық аренада үздік нәтижелерге қол жеткізді.
Жарыс қорытындысы бойынша:
Мирас Пазылов — 1 орын
Ралиф Сазазов (57 кг) — 1 орын
Әділет Шері — 1 орын
Аделя Кәрімова (+68 кг) — 1 орын
Айдана Құмартаева (46 кг дейін) — 2 орын
Шаббона Исламбаева (49 кг) — 2 орын
Дінмұхаммед Тілеш (37 кг) — 3 орын
Алматылық спортшылардың айтулы халықаралық турнирдегі жетістігі қалада таэквондо спортының жоғары деңгейде дамып келе жатқанын және спорт резервін даярлау жүйесінің тиімділігін айқын көрсетеді.