Жарыс қорытындысы бойынша алматылық балуандар бірқатар жүлделі орынға ие болды, – деп хабарлайды aqshamnews.kz тілшісі.
Бұл туралы Алматы қаласы Спорт басқармасының өкілдері хабарлады.
Тараз қаласында 23 жасқа дейінгі спортшылар арасында әйелдер күресінен Қазақстан Республикасының чемпионаты аяқталды.
Алтын медальдар – Лаура Ғаниқызы (50 кг), Жаңыл Бекен (64 кг), Алина Ертөстік (76 кг);
Күміс медальдар – Сәния Сұлтанғали (55 кг), Аида Әлжан (59 кг), Ұлдана Тілеухан (68 кг);
Қола медальдар – Медина Қуанышбек (50 кг), Ғазиза Рысалды (53 кг), Шодиона Дильмуратова (55 кг), Қаламқас Жүніс (62 кг), Нұрайым Саяхмет (65 кг).
Жалпыкомандалық есепте Алматы құрамасы бірінші орын иеленді.