Алматыда ескі үйлерді жаңартуға бағытталған ауқымды бағдарлама басталды, деп хабарлайды aqshamnews.kz
Бағдарлама 1930-1980 жылдары салынған екі қабатты үйлерді қамтып, 2030 жылға дейін 676 үйді жаңартуды көздейді. Бұл 7 500-ге жуық тұрғынның жаңа, заманауи үйлерге көшуіне мүмкіндік береді.
Бағдарлама тек тұрғын үйлерді жаңартумен шектелмейді. Ол құрылыс қауіпсіздігін, оның ішінде сейсмологиялық талаптарға сай құрылыс стандарттарын қамтамасыз етуге бағытталған. Тұрғындардың құқықтарын қорғау мен тиімді қарым-қатынас орнату механизмдері де енгізілді.