Метро жер астымен өтеді
Алматыда метрополитеннің жаңа желісі қазіргі «Жібек Жолы» станциясынан басталады, деп хабарлайды aqshamnews.kz Kolesa.kz-ке сілтеме жасап.
Гоголь көшесі бойымен Орталық мәдениет және демалыс паркіне дейін, содан кейін Үлкен Алматы айналма жолы (ҮААЖ) арқылы Құлжа трактіне және әуежайға бұрылады.
Жаңа желінің станциялары мына мекенжайларда орналасады:
«Жібек Жолы» станциясының жанында, Назарбаев даңғылының шығысында, бірінші желіге ауысу торабы ұйымдастырылады;
Орталық мәдениет және демалыс паркі маңында;
Құмай көшесі мен ҮААЖ қиылысында;
«Халық Арена» спорт кешені маңында;
«Жетісу» базарының қарсысындағы «Шығыс» көлік ауыстырып отыру торабының аумағында;
«Апорт-2» СОО мен автосалонның жанында;
Нұршашқан ықшамауданы маңында;
Әуежай маңындағы Электродепо №7 станциясынан солтүстікке қарай орналасады.