«Астана – Челси» матчына билеттерді сату екі кезеңге бөлінді. Бірінші кезеңі басталмай жатып аяқталды, себебі билеттер тез сатылып кеткен, деп хабарлайды aqshamnews.kz. «Астана» футбол клубы өкілдерінің мәлімдеуінше, екінші сатылым әлі басталмаған.
Билеттер 24 қарашада сатылымға шықты, бірақ олар бірден сатылып кетті. Матчқа келушілер санының көп болуына байланысты сатылым сайты электронды кезек жүйесін енгізді.
«Еуропалық матчтардағы тәжірибеге және Қазақстан футбол федерациясының UEFA Ұлттар Лигасы ойындары кезінде жинаған тәжірибесіне сүйене отырып, UEFA Конференция Лигасындағы матчқа билеттерді сату екі кезеңмен жүргізіледі. Билеттердің екінші сатылымы желтоқсан айында басталады», – деп хабарлады клуб өкілдері.
ФК «Астана» өкілдері билеттерді сату барысында әркімге тең мүмкіндік беру үшін барлық шараларды қабылдап жатқанын атап өтті.