29 мамырда ХҚО жұмысын әдеттегі режиммен жаңа мекенжайда жалғастырады.
27 мамырда Алматыдағы №2 мамандандырылған халыққа қызмет көрсету орталығы жаңа мекенжайға көшті, деп хабарлайды Аlmaty-akshamy.kz.
Енді азаматтарға жайлы болу үшін және сапалы қызмет көрсету үшін ол Майлин көшесі, 240 а мекенжайындағы «Allur авто» ғимаратында орналасады. Бұған дейін мамандандырылған ХҚО Майлин көшесі, 85 мекенжайында болатын.
«Дүйсенбі, 29 мамырда, мамандандырылған ХҚО жұмысын әдеттегі режиммен жаңа мекенжайда жалғастырады», - деп хабарлады «Азаматтарға арналған үкімет» Мемлекеттік корпорациясының Алматы бөлімшесінің баспасөз қызметі.
Алматы тұрғындары 4 мекенжайдағы мамандандырылған ХҚКО-на мемлекеттік қызметтерді алу үшін бара алады:
"Саялы" ықшамауданы, Аққайнар, 1 көшесіндегі №1 мамандандырылған ХҚКО;
Майлин көшесі, 240 а мекенжайындағы № 2 мамандандырылған ХҚКО;
Түрксіб ауданы, "Қайрат" ықшамауданы, Құлжа тас жолының 9-шақырымы мекенжайындағы №5 мамандандырылған ХҚКО;
"Кемел" ықшамауданы, Ақсуат көшесі, 118 мекенжайындағы №6 мамандандырылған ХҚКО.
Мамандандырылған Халыққа қызмет көрсету орталықтары дүйсенбіден жұмаға дейін сағат 09:00-ден 18:00-ге дейін түскі үзіліссіз жұмыс істейді. Автокөліктерді заңдастыруға байланысты сенбі күні 09:00-ден 13:00-ге дейін қызмет көрсетеді.
Мекеме қызметкерлері қызметтерді үйден шықпай-ақ онлайн алуға болатынын еске салды. Сұрақтар туындаған жағдайда 1414 бірыңғай байланыс орталығына хабарласуға, @kenes1414Bot Telegram-ботына жүгінуге және әлеуметтік желілер арқылы ақпарат алуға болады.