Алматыда 2026 жылдың басынан бері 30 864 адам жұмыспен қамту шараларымен қамтылды, – деп хабарлайды aqshamnews.kz тілшісі. Бұл туралы қалалық Жұмыспен қамту және әлеуметтік бағдарламалар басқармасының өкілдері айтты.
Осы кезеңде Еңбек мобильділігі орталығына 41 267 адам жүгінді. Оның ішінде 33 911 адам жұмыссыз ретінде тіркелді.
5 290 адам тұрақты жұмысқа орналастырылды. Сондай-ақ, 5 198 алматылық субсидияланатын жұмыс орындарына жолданды. Оның ішінде қоғамдық жұмыстар, жастар тәжірибесі, әлеуметтік жұмыс орындары және аға буын азаматтарына арналған жобалар бар.
375 адам кәсіптік оқытумен қамтылды. Сонымен қатар 1 214 адам «Бастау Бизнес» жобасы бойынша оқудан өтті, 1 702 адам enbek.kz платформасында білім алды, ал 17 085 алматылыққа кәсіптік бағдар беру қызметі көрсетілді.