Алматыда «Ауыл» партиясы қалалық филиалының төрағасы Ахметбек Қоңырбаев «Қазақ аналары – Дәстүрге жол» қоғамдық бірлестігінің мүшелерімен кездесіп, белсенді аналарды партияның 25 жылдық мерейтойлық медалімен марапаттады, – деп хабарлайды aqshamnews.kz тілшісі.
Кездесу барысында ұлттық тәрбие мен салт-дәстүрді дәріптеуге үлес қосып жүрген аналардың еңбегі ерекше аталды. Сондай-ақ, Ахметбек Қоңырбаев бірлестік мүшелерін «Биік, алып, киелі – Шаңырақ» және ұзындығы 112 метрлік «Жылдың төрт мезгілін бейнелейтін сырлы сырмақ» туындылары арқылы Азия мен Африкаға арналған Әлемдік рекордтар кітабына еніп, екі бірдей рекордтық көрсеткішке қол жеткізуімен құттықтады.
Жиында қазақы құндылықтарды жаңғырту, аналардың қоғамдағы рөлі және ұлттық мұраны кейінгі ұрпаққа жеткізудің маңызы сөз болды. Ұйым өкілдерінің айтуынша, мұндай бастамалар өскелең ұрпаққа өнеге беріп, дәстүр сабақтастығын нығайта түседі.