«Алматы қаласында қаңғыбас жануарлар санын ізгілікпен реттеудің 2021-2024 жылдарға арналған бағдарламасы» аясында 9 мыңға жуық ит пен мысықты қамтитын үй жануарларын тегін піштіру және зарарсыздандыру бағдарламасы басталады. Ол ағымдағы жылдың соңына дейін жалғасады.
Иттер мен мысықтарды зарарсыздандыруға жас шектеуі - 7 айдан 9 жасқа дейін, иттер мен мысықтарды зарарсыздандыруға - 6 айдан 9 жасқа дейін.
Үй жануарларын піштіру және зарарсыздандыру қызметі жануарларды алдын ала клиникалық тексеру, операцияға қарсы көрсетілімдерді анықтау, премедикация, анестезияға енгізу, операция жүргізу, соратын тігіс материалдарын пайдалану, бақылау үшін жануарды күндізгі стационарға орналастыру, ықтимал асқынуларды болдырмау үшін операциядан кейінгі мониторинг сияқты манипуляцияларды жүргізуді қамтиды.
Бағдарламаға ветеринариялық паспорты және бірыңғай есепке алу базасына енгізу үшін микрочипі бар жануарлар қатыса алады. Микрочип пен төлқұжат болмаған жағдайда оларды аталған клиникалардың кез келгенінен қосымша ақыға сатып алуға болады.
Иттер мен мысықтарды тегін піштіретін мен зарарсыздандыратын ветеринарлық клиникалардың мекенжайлары:
1. «Mastino» ветеринарлық клиникасы Мекенжайы: Есенберлин көшесі, 217
телефон: 8 (700) 327-44-89
whatsapp бойынша жазылу қажет
2. «Айболит» ветеринарлық клиникасы Мекенжайы: Абай даңғылы,26
телефон: 8 (708) 972 02 07
Үй жануарларын піштіру және зарарсыздандыру жөніндегі мемлекеттік бағдарламаға қатысатын ветеринариялық клиникалар туралы қосымша ақпарат осы қызметтерге шарттар жасалуына қарай ұсынылатын болады.