Бұл ерекше музей Yandex Qazaqstan-ның бастамасымен жүзеге асырылды. IT-компаниясы цифрлық технологиялардың эволюциясын көрсететін ақылды қалалық кеңістік құрып, мұнда келушілер технологиялардың дамуы мен видео ойындардың тарихымен танысып, бүгінгі күні олардың қалай дамып жатқанын біле алады, деп хабарлайды aqshamnews.kz.
Яндекс Музейдегі экскурсиялар тегін өтеді.
Музей қонақтары есептеу техникасының эволюциясының негізгі кезеңдерін қамтитын интерактивті экспозицияны көре алады. Мысалы, әр түрлі дәуірдегі басты компьютерлер — Commodore 64, ZX Spectrum, Atari 65XE, Macintosh Performa 630, IBM PC 300GL, Apple iMac G3 сынды атақты құрылғылар, сондай-ақ бала кезден таныс ойын консольдері: алғашқы Sony PlayStation, аты аңызға айналған Sega Mega Drive, Nintendo, аркадалық автоматтар ең танымал ойындармен жабдықталған.
Тағы бір ерекше жайт! Ретро компьютерлер мен консольдер толық жұмыс істеп тұр – оларды тегін пайдалана аласыз.
Компания бұл Музейдің IT-индустриясы мен заманауи өнерге арналған көрмелер мен дәрістер алаңы болатынын айтады.
Музейдегі Yandex Qazaqstan технологиялары аймағы да қызықты орындардың бірі. Мұнда келушілер робот жеткізушінің лидарлық бұлтын көріп, роботтың әлемді қалай көретіні мен заттарды қалай танитынын тамашалай алады. Сондай-ақ, виртуалды ассистент Алиса орнатылған құрылғылар стендінде онымен қазақ және орыс тілдерінде сөйлесуге болады.
Музейдің мекенжайы: Әл-Фараби даңғылы 11/1.