Таңертең Тәуелсіздік монументінің алдында қала әкімдігі, Ардагерлер кеңесі, белсенділер мен қоғам қайраткерлері және 1986 жылғы желтоқсан оқиғасына қатысушылардың қатысуымен гүл қою рәсімі өтті, деп хабарлайды aqshamnews.kz.
Алматы қаласы денсаулық сақтау басқармасының міндетін атқарушы Асия Ақанова барша алматылықтарды осы маңызды мерекемен құттықтады.
– Денсаулық сақтау басқармасы атынан Тәуелсіздік күнімен шын жүректен құттықтаймын! Елімізде әрдайым бейбітшілік пен тыныштық болсын! – деді ол.
Алматы қаласының жұмыспен қамту және әлеуметтік бағдарламалар басқармасының басшысы Бауыржан Жаубасов та алматылықтарды Тәуелсіздік күнімен құттықтады.
– Барша алматылықтарды Тәуелсіздік күнімен құттықтаймын! Біздің қала – егемендіктің алтын бесігі. Бұл мереке еліміздің амандығы мен тыныштығын бейнелесін. Тәуелсіздік мәңгілік болсын, – деді ол.