Жыл басынан бері мегаполисте «Алматы Қала Жарық» МКК күшімен сыртқы жарықтандыруды басқарудың 220 шкафы жөнделді.
Қала тұрғындарының сыртқы жарықтандыруды басқару шкафының есігінің ашылып тұруына шағым түсінікті, дейді «Алматы Қала Жарық» мамандары. Қазіргі уақытта олар дұрыс қызмет көрсетілмегендіктен, жағдайы мәз емес. Естеріңізге сала кетейік, 2019 жылдан бастап Алматының сыртқы бақылау жүйесі жеке меншіктің иелігінде болды және тек 2023 жылы қала әкімі Ерболат Досаевтың тапсырмасымен қаланың балансына қайтарылды.
«Айта кету керек, бұл қалқандарда жоғары ылғалдылық пен температураның өзгеруіне жол бермейтін контроллерлер бар. Соның нәтижесінде жабдықтың істен шығып, бақыланбайтын қосу/өшіру жиілеп кетті», - деді «Алматы Қала Жарық» МКК басшысы Игорь Мысик.
Бұрын хабарланғандай, жеке серіктес орнатқан басқару шкафтарының ажыратқыштары сапасыз болып шықты, бұл көше жарығының жиі өшуіне себеп болды. Кей жерде электр нысандары ашық және жерге тұйықталмай, бұл адамдардың өміріне қауіп төндірді.
Бұл жағдайды түзету жұмыстарын «Алматы Қала Жарық» МКК қолға алды. Жеке серіктестің қызмет үшін бюджет ақшасын ала отырып, жарықтандыру нысандарына қызмет көрсету жөніндегі шарттың міндеттемелерін орындамағаны жұмыс үдересін қиындатады және кешіктіреді. Әзірге, барлық жабдыққа тексеру жүргізіп, оны қаланың коммуналдық меншігіне беру керек.
Сонымен қатар, қалада сыртқы жарықтандыруды басқарудың 800 шкафын ауыстыру жоспарлануда, бұл сыртқы жарықтандыру желілерінің үздіксіз жұмысын қамтамасыз етуге мүмкіндік береді.
Естеріңізге сала кетейік, Алматы әкімдігі қала бойынша жарықтандыру мәселесіне байланысты құрамына ABM-Vuilding 2007 компаниялары, «Электроремонт» ЖШС және «ABM-Project» ЖШС құрамына кіретін жеке серіктес-консорциумға қарсы екінші сатыдағы сотта жеңіске жетті.